Në Kosovë përvec veshjes me gjenezë iliro – shqiptare është përdorur edhe veshja e tipit oriental që quhet veshje me dimi e pëhapur në mjaft qytete perfshire edhe Gjakovën.
Veshja e grave në qytetin e Gjakovës i përket fundit të shek.XIX dhe fillimit të shekullit XX. Gratë vishnin dimi me këmbëza të zbukuruara me gajtanë të verdhë. Ndersa përparësja “boshqja” endej prej pambukut me ngjyrë të kuqe e të bardhë dhe zbukurohej me motive të botës floreale, gjeometrike dhe zoomorfe.
Veshja përbëhet nga: dimite, këmisha e bardhë (shortja), jeleku i arit, kollani dhe zambaku (stoli koke).
Karakteristike për këtë veshje janë dimitë, të cilat janë pjesë e poshtme e veshjes te qepura nga material me ngjyra e dizenjo të ndryshme ne varesi edhe te moshes. Për një palë dimi nevojiten 12-14 metra material të gjerësisë së dyfishtë.
Këmishë pa jakë e ashtuquajtur shorte që vjen e gjatë deri nën brez dhe është punuar nga pëlhura e mëndafshit. Prerja tek fyti dhe fundi i mëngëve janë të zbukuruara me dantela në formë të luleve me ngjyrë së bardhë dhe të gjelbërt.
Jelek me sumbulla i punuar nga kadife e kuqe, i gjithi i qëndisur me gajtan të dredhur dhe fije ari me motive floreale.
Kollani është pjesë dekoruese e veshjes me motive floreale i qëndisur me fije ari.
Zambaku stoli koke e nuseve punohej me grep dhe perdorte perin me ngjyrë të bardhë, të verdhë dhe të gjelbërt per te krijuar motive floreale ku shpesh haset lulja me gjethe.