Këto dy gjyle topi përfaqësojnë nje municion tipik të artilerisë së hershme të përdorur gjatë Mesjetës së Vonë në Lezhë, në një kohë kur përdorimi i topave po përhapej me shpejtësi në fushëbetejë dhe në rrethimet e fortifikimeve. Gjyle të tilla përdoreshin kryesisht në topa të hershëm me tytë të gjerë (bombarda), duke shërbyer për të goditur muret e kështjellave, portat apo strukturat mbrojtëse.
(E para majtas) - Gjylja më e madhe, me diametër 18 cm, është punuar nga gur gëlqeror, material i përdorur shpesh në sajë të punimit më të lehtë dhe kostos më të ulët.
Gjylja më e vogël, me diametër 14.5 cm, është prej mermeri, një material më i fortë dhe më kompakt, që siguronte qëndrueshmëri më të madhe gjatë goditjes.