Skulpturë e zbuluar brenda hapësirës së Bazilikës paleokristiane të Shën Gjergjit, në lagjen “Nënë Tereza”, Lezhë që paraqet Erosin ose Kupidin duke fjetur.
Skulptura është e ruajtur relativisht mirë dhe konsiderohet si një kopje romake e një modeli më të hershëm prej bronzi, tipologjikisht e afërt me të ashtuquajturin “Erosi i New York-ut”.
Vepra ka të ngjarë që fillimisht të ketë shërbyer si element dekorativ në një burim uji, ndërtesë publike, ambient banimi ose në hapësira funerare.